कठपुतली

कठपुतली

आमाशयमा रहँदा देखिनै जीवनको छनोट हुन्छ​

साल जोड्ने नालरुपि धागो चुडिने वित्तिकै

जीन्दगिको बाटो तय हुन्छ​

बाहिर निस्कन्छु रंगिविरंगी संसार देख्छु

मन मोहक हुदै त्यहि आकर्सित हुन्छु

फेरि अनौठो बन्धनले बाँधिदिन्छ

आफ्नै सेरोफेरोमा नै धकेलिन्छु

जिन्दगीका पाइला बड्दै जान्छन्

नयाँ परिवेश र परिवर्तनमा रुमलिन्छु

प्रफुलित हुँदै गन्तव्य तिर लम्किन्छु

फेरि एक्कासि ठुलो झट्काले तानिदिन्छ​

मान मर्यादाको झुठो जलपले ढकमक्क समाझ​

मनमा उब्जेका रहर आकङ्क्षा चकनाचुर पारिदिन्छ

चटकिले देखाएको बित्थैको नाच नाच्न बाध्य हुन्छु

कुँडिएको मन तर खिस्स अमिलो हाँसो हास्न विवश हुन्छु

कठपुतली जो हु

आफ्नो इच्छा आकंक्षा भुलेर​

फेरि अर्को खेल खेल्न लाचार बनाइदिन्छ