नजन्मिएको सपना

नजन्मिएको सपना

आमा

एता हेर न

म यहाँ छु तिम्रो गर्भाशयमा

महसुश गर त​

म खुसि छु

तिम्रो न्यानोपनले मलाई अंगालेको छ​

तर किन तिमि दुःखी देखिन्छौ

म छु नि तिम्रो साथ दिने सधै

आमा आज हामी कँहा आएको

यँहा त सबै सेतो लुगा लगाएका छन्

घाँटीमा एउटा माला पनि छ​

मलाई स्पर्श गर्दै छन्

किन आमा?

लौन किन हो? मलाई दुख्न थालेको

म तिम्रो प्राण प्यारी हैन र ?

यिनीहरुले मलाई के गर्न थालेका छन्

हेर न

हुँ.. हुँ… हुँ…

तिमिले त मलाई आफुबाट अलग गर्न पो थालिछौ

दुख्यो आमा धेरै नै

मेरो त सधै तिमिलाई साथ दिने चाहना थियो

तिम्रै आदर्श पथमा अघि बड्ने कल्पना थियो

अनायासै मलाई माया मार्यौ

म त तिम्री अभिन्न अंग​

तिम्री मायाकी मुर्ति  

छोरी थिएँ

-    शुभा देवी सापकोटा